FESTA PAESANA (Bardanas)

Firmati, firmati pisedda mia

Astringheti forte a su coro meu

Gasi mi passa sa malinconia

E mi faghes cuntentu coment’a unu Deu

Cantami, cantami una cantone

Piena de durche e de malinconia

Canta chin coro, canta chin amore

Ca si allungat sa vida mia

Cando faghen sa festa in Oliana

Zente nde venit dae Logudoro

Zente nde dae Mamoiada

Bitti, Sarule, Fonni e Orgosolo

Drommiti, drommiti pisedda mia

Drommi serena cando ses chin megus

Sa zente sarda, zente divertida

Sos imbriagos no sunt sos peus

Drommiti, drommiti in sos brazzos mios

Est’unu sero de no irmentigare

Bella Calaris insoru ‘e su mare

Bella sa zente cand’est divertida

Cando b’ini in sa festa sos Bardanas

Zente beniat dae Logudoro

Zente beniat dae Mamoiada

Bitti, Sarule, Fonni e Orgosolo

ALAS (MLC)

In mesu sos fiores profumados giocunda olas tue

Cun sas movidas de sas bellas alas sos colores allue(s)

Ses frimmada sa natura pro ti ammirare

E m’intendo su coro de unu corfu mancare

 Tue ses cudd’ave vagabunda chi sulcas s’aera

Cun sas alas ispartas ses fiera,

Dominende sa terra

Solitaria gherrende contra de su ‘entu

Fala dae su chelu pro mi dare un appentu 

Pro nois lacanas no bind’ada

Custos coros sun prontos pro amare

Che puzones in su nidu sun’isettende

S’ora de poder bolare…..

Cun sas alas de s’amore podimos bolare

In mundos incantados nois duos umpare

Tue mariposa olas lizera, colorida e giocunda

Tue ses cudd’ave vagabunda chi sulcat s’aera

SO’ SA  JANA (MLC feat GCarta Brocca)

Jardinos fioridos de lizos biancos

Sa luna bìaitta in chelu est’accherada

Pedes isculzos sinnant su caminu 

Infusta de lentore sa campagna fozida

Sa Jana de s’amore inie est naschida

Sonnìende unu mundu de paghe…. 

So sa  Jana de s’allegria

So s’ispera chi no morit

In su sinu meu fiorit

S’innozzente fantasia

So sa  Jana de s’allegria 

Sette perfidos ladrones

Furadu m’an su tesoro

E pro custu sas pessones

Morte e gherra an in coro

So sa Jana de s’allegria 

Falan dae s’aera chi paren lampizzadas

Isvanessit s’ispera de paghe indeorada

Un istriore si tremet in coro

A custa oghe de milli lamentos

Oh Jana de sa paghe, de amore innozzente

Naram’itte si faghet pro cumprender’ sa zente

Ue est su sole chi sinnat sas dies

S’andanta de s’omine e de sas istajones

So sa Jana de s’allegria….

A chircare in monte tundu

Sa Jana de s’amistade

Pro chi torret s’onestade

In sas baddes de su mundu

So sa Jana de s’allegria 

SONNIENDE (MLC )

In d’una nott’e luna so dormidu e in su sonnu bido a tie

Bella che un’istella luminosa dachi ses affacc’a mie

Inue ses naramilu! 

Dachi su sole est’accheradu in chelu tue mi ses isparida

Si tremet custu coro a su pensamentu chi t’appo perdida

Ses bisione arcana in nottes galanas 

Sas  laras de cariasa sunt che braja in sa carena

E sas manos lenas lenas subra sas petorras mias

Peraulas sutta oghe a s’orija mi ses nende:

“pro sempes tua”

Duas carres una sola diventan cun s’amore

Faeddan sos istriores ca t’intendo solu  mia

Peraulas sutta oghe a s’orija mi ses nende :

“amore faghemi solu tua, ancora”!

DIGHIRIDERA (MLC )

Dinghi  dighiridindi dighiridera… 

Privendemi de una costa mia

T’at generadu Deu Soveranu

E benis a innoghe a mi ponner’ marranu

Sa oghe mia est’oghe de anghelu

S’abbivvant sas istellas in su chelu

A custu sonu de amore e paghe

Frimma e forte che unu nuraghe

Armonica, intonada e fiera 

Sò deo sa femina chi cantende

Allegrat finas a su rusignolu

Sa oghe durche de su pippìolu

M’at dadu sa natura generosa

Cando cant’eo fiorit sa rosa

M’accumpagnat su riu canta canta

Mi sorriet sa zente totta canta

Mustrendemi un’istima sinzera 

Sa oghe mia est sa pius potente

Chi mancu tue nd’as un’idea

Bella che su sole in oriente

Cando saludat sa terra intrea

Dachi b’at gara su premiu leat

Ca m’iscultat sa zente riverente

Uriosa che bentos de traschìa

Ma connoschet finas sa melodia 

Finida s’istajone frittorosa

S’accherat su ‘eranu sorridente

Sa oghe mia no, no est potente

Ma ninnat e carignat ogni cosa

In sa die ‘e s’affidu est un’isposa

Bella, candida pura e lughente

A custu sonu si mudat sa terra

Irmentighende dogni cuntierra 

Mamma Natura chi est gloriosa

De dogni cosa issa est reina

A nois duos at dadu un’istrina 

Una potente una armoniosa

Che vena de abba bundanziosa

No finat mai custa serentina

Cantende umpare donamos recreu

Dae Chelu nos beneigat Deu

      LUMERA (MLC)

Che un’elighe seculare chin sas frunzas a su ‘entu

Che una rocca affaccad’a su mare gherrende chene ausentu

Che un’istella das lughe tottue

Che un’istella ch’insoru ‘e sa luna

Nos faghes sa serenada 

Lumera ses tue

Pro custu cantu sardu, vantu de un’antiga terra

Lumera ses tue

Pro dogni cantadore chi pigat a su palcu a cantare 

Deus t’at dadu sa oghe

Pro donare s’allegria

Pro li torrare a su ch’est’infirmu

In laras unu sorrisu 

Che un’antigu nuraghe chi at iascrittu s’istoria

Tue in su cantu de sa terra sarda sinnadu as annos de gloria

Che un’istella das lughe tottue

Che un’istella ch’insoru ‘ sa luna

Nos faghes sa serenada 

Lumera ses tue

In totta sa Sardigna appreziada in tottue

Lumera ses tue

Sorrisu  de anghela

De custu cantu sardu bandela 

Deus t’at dadu sa oghe

T’at dadu sa melodia

Pro isparghere su cantu in s’aera

Ca ses tue sa lumera

Anghelos (MLC)

So pensende a sos ojos chi

A su Chelu mirende

Cun lagrimas pro unu biculu ‘e pane

A Deu sun preghende 

Sas criaturas chi chene peccadu

Sun patinde sididas

E si domandan :”ube appo mancadu

Pro tennes custa vida”! 

Sos Anghelos chi ‘olan’in s’aera

Pro torrare sa fide e s’ispera

E sa natura chi s’est’imboltada

Potente, uriosa

Contra a s’omine chi l’at ingravvada

Cun fertas piedosas 

Ma sos Anghelos podene mudare

Un’istajone fritta

In d’una die  de sole caente,

Sa pius beneitta…….. 

Anghelos chi sezis in s’aera

Isparghide sas alas

Pro ‘nde ogare sas annadas malas

E torrare un’ispera 

E bolades inue b’at dolore

E torrades s’ispera e s’amore 

Ma sos Anghelos podene mudare

Un’istajone fritta

In d’una die  de sole caente,

Sa pius beneitta……..

CORTES APERTAS (MLC)

Jompidos sos ottant’annos

Jutto a pala una vida de affannos

Cun baccalu in manu e a passu lentu

M’acchero a su balcone

E intendo un ‘isgumentu

Mirende tottu cussas pessones

Benzende a sa ‘idda mia

Ch’apertas las ana sas cortes de sa mia pizinnìa

Cortes apertas in Olìana

Cando dogni campana

Tocchend’ est’a festa

Cortes apertas, festa e allegria

Ospitale e galana

T’isettat Olìana

Villa mì! Sa corte de su massaju

Dogni arminzu est’un’istoria

In sa  memoria

Su nuscu de su trigu e sos boes ali-pintos

Che in sa tela dipintos

In sa mente jaros sos ammentos mios

FILONZANA (MLC)

Drommi pizinnu drommit’anninnìa

Drommi serenu de oro sienda!

Intro sas venas tuas b’est sa prenda

Chi dae mizas annos galu est bia

Ammentu de cudda rara zenìa

Chi fraigaiat bellos  nuraghes.

Omines ch’istimaiant sas paghes

Fizos dilettos de Mama Sardigna 

M’an dadu pro la tenner in cunsigna

Sa pandela insoro preferida

Dae babbu a mene est’arrivvida

E connotta l’an jaju cun bisaju

De tempos antigos est’unu raju

Sa limba sarda che rocca resistit

Pro seculos e seculos no ammitit

Presenzìas istranzas pro padronas 

Fenicios e Romanos fin’iconas

Cun Cartagin’e Bisanzio puru

Issa  at cunservadu de seguru

De dognunu sa pius bella cosa.

In su tempus fiorida che rosa

Est custa limba faeddad’ancora.

Tottu custu nos mustrat in cust’ora

S’importanzia de sas raighinas 

E che Sardos sighimos sas orminas

De limba, libertade e idea.

Oh fizzu meu!su cussizzu lea

De Mereu, Poeta de Sardigna :

“Devimos esser fizzos d’un’insigna

Liberos, Rispettados, Uguales!”

ANIMU ZENTE (NLoi)

Animu zente innoghe resta, diligamente e faghe festa

Ne angustìa ne amargura, sol’allegria, solu dulzura

Sa gioventude vivat serena e de salude siat piena

Cun s’allegria fort’in su sinu, in cumpagnia cun pett’e binu 

Firma sa gherra zente dimonia, siat custa terra una peonia

In piuerosa mala ruina, nascat sa rosa ma sen’ispina

Cun son’e trumba, pagh’e armonia e una columba supra s’olia

Bolet a tundu in dogni logu vivat su mundu che in nd’unu giogu

Sa carestia irmentigada, sa pizinnìa bene pesada

Bella sa vida potan vivire, notte nodida potan dormire

Butone ‘e rosa siat dogni die in dogni cosa fortuna a tie

Animu zente innoghe resta, diligamente e faghe festa 

Sa gioventude vivat serena e de salude siat piena

Bella sa vida potan vivire, notte nodida potan dormire

Firma sa gherra zente dimonia, siat custa terra una peonia

Animu zente innoghe resta, diligamente e faghe festa ,

Firma sa gherra zente dimonia, siat custa terra una peonia

Animu zente innoghe resta, diligamente e faghe festa

FESTAS DE SARDIGNA (MLC)

Su sole nd’est falende appena s’iscuricadorza no est a tesu

Su passu si faghet lestru torrende a domo mia

Apelzo sa janna e intendo in s’aera

Su nuscu ‘e sa festa, cantende e ballende

Unu sorrisu in laras intendo naschende

Dachi m’ammento chi festa b’at oe...

Festas de Sardigna

Dogni sarda festa cun devota pregadoria

Fide, gioia e cumpagnia...

Festas de Sardigna a sos sardos in totue

Custos ballos e cantos dae sa terra de sos incantos

Festas de Sardigna, bona festa fattedas !

Si tue cheres ammirare de custa terra sas bellesas

Che in d’una bella pintura sun vida sos colore

Sos ballos a sonette, cuncordos o tenores

Rara poesia e bravos cantadores

Unu sorrisu in laras naschet che fiore

Dachi mirende incantadu ses…

Festas de Sardigna

PREGHENDE (P.Boi-MLC)

Longu est su viali, Maria

Asutta ‘e su soli e su bentu

Appu cantau sa vida...sa vida

Onnipotenti mi criemu

Tostau comenti una rocca

Poita imoi mi piegu... oh Maria

Deu t’imploru e domandu una luxi

Puru si esti alluminu, una luxi

Is filus de sa guerra T’invocant

Is filus de sa miseria Ti pregant

Oh Maria...

Mi parzo che una nae

In mare contra su ‘entu

Chi mi jughet e mi lassa, oh Maria

In sa bella pizinnìa

Ido s’ispera ‘e su mundu

Tando comprendo e T’intendo, oh Maria

Unu sinnu dae su Chelu, T’imploro

Istrinannos una lughe, oh Maria

Ca sos fizos de sa guerra T’invocana

Sos fizos de sa miseria Ti pregana

Oh Maria...

BALLA CHE FOZA (MLC)

Notte luminosa de istellas coronada

No s’intenden sos mùilos de su ‘entu

Tue ben’assentada mòvidas de una fada

Cun s’ojada sola m’istrinas appentu

Deo so su ‘entu tue che foza

Ballend’enis in brazos mios… 

Sa conca a pala mujada

Subra su tuju tou  b’est s’alenu meu

Pesa sas laras tua bellas

Durches che-i su mele subra sas mias

Balla, balla che una foza

In brazos de su‘entu,

Balla, balla che una foza

In brazos de su‘entu, balla pro me… 

Notte luminosa de incantos ammajada

Si tremet s’anima mia in turmentu

Tue m’as incantada t’est bastada cuss’ojada

Intro de sas venas unu foga est tentu

Tue ses su ‘entu deo che foza

Ballende in sos brazos tuos… 

Sa conca a palas mujada

Balla, balla che una foza 

fogu mi curret in sas venas

E subra sa carena sa ‘ucca tua

Ses passione verdadera in oras de durcura 

Notte luminosa, b’est sa luna chi accherada

Bettat undas de lugore in cust’appentu

SA NOTTE‘E SA JANA (MLC) 

De sos contos intesos dae sende minore

Oe paren suspesos che tempus bennidore

M’ides in sa natura linna, foza o fiore

So bellesa e dulzura so sa jana‘e s’amore

Jana t’app’incontrada passizende in su monte

S’anima ispantada dachi mi fis defronte

Est solu disingannu no t’isettes fortuna

No at a benner mai s’annu d’esser sole cun luna

Ma in custa notte sa luna un’ispera de sole at collidu pro me

Custa est sa vera fortuna, connoscher s’amore si enit pro te

So sa jana‘e s’amore e sa notte est sa mia

E pro custu bos canto una notte’e majia

Pro custa notte ebbia oh jana t’imploro cun megus arrea

Chin cuss’ammentu in su coro app’a istare serenu una vida intrea

De sa die su lugore s’est’ispartu in s’aera

Tando resta s’ispera de unu sonniu de amore

CANTOS A TENORE (G.Piras e Tradizionale) 

Accudide a su folklore, a faghes su ballu tundu

Ca est su  menzus de su mundu, cand’est cantad’a tenore

Tempiesas in curruttu frundidechelu s’isciallu

Faghidebos custu ballu, iscurtade custu muttu 

Tiscali antigu villaggiu in mesu de roccas calcares

Ponidebos in viaggiu andade a lu visitare

Gruttas e domos de janas chi meraviglian sa vista

Ammiran sos turistas chi andan a Oliana 

Milia vatu' sa trota pro sa die 'e s'isposonzu
Carculanne su bisonzu  ca non b'ana cosa cotta
Su maritu 'e Liotta su connatu 'e Mugrone
De su cojuviu novu nd'est cuntentu Cadone 

Pizinnas bellas che nd’at in totue

Ma che Silanus narami inue

A bois naro bellos bajanos

Si nde cherides benide a Silanos 

Lizera, lizera ses, s’istella de melodia

Tue sola ses sa mia, atera no nd’adoro

Lizera, lizera ses, sa bella l’appo mirada

Dae pizinna minore andende a missa mazore 

Una traina rubia famosa est bennida a su monte seneghesu

Chirca pastura in su logu tesu ca s’annada est meda bisonzosa

SU BALLU NOU (MLC)

Unu passu a manca, un ater’a dresta

Duas bortas s’inchinu, cominza sa festa

Unidos umpare, tot’a manu tenta

Sa persone trista che torret cuntenta

Ajò a s’intundu, custu  ballu sia(t)

In tottu su mundu sinnu de allegria

Sole e luna, chelu e terra, Mares e montes no gherrana,

Luna e  sole, terra e chelu montes e mares no gherran abberu

Salude Maria ses mamma ‘e Deu

 Dona s’allegria a su coro meu

Sinnat su caminu, a manera faghe

 B’appat illuinu de terrena paghe

Sa musica, sos ballos, che pregadoria

Arriven a su Chelu a Deus e a Maria…

Est bella sa festa si b’at bonidade

E su ballu siat sinnu de amistade

Ajò a s’intundu, custu  ballu sia(t),

In tottu su mundu sinnu de allegria

Sole e luna, chelu e terra, mares e montes no gherrana,

Sa musica, sos ballos, che pregadoria

ALLEGRIA ( Cirque Du Soleil-MLC) 

Alegría, como la luz de la vida

Alegría, como un payaso que grita, Alegría

Del estupendo grito, de la tristeza loca

Serena, como la rabia de amar

Alegría, como un asalto de felicidad

Allegria, come un lampo di vita

Allegria, come un pazzo gridar, Allegria

Del delittuoso grido, bella ruggente pena, serena

Come la rabbia di amar, Allegria

Come un assalto di gioia

Beautiful roaring scream, of joy and sorrow, so extreme

There is a love in me raging, Allegria

A joyous, magical feeling

Allegria, dach‘istimas sa vida

Allegria, la ides in dogni cosa

Allegria, In s’abba ‘e su mare o un’accherada ‘e sole

Serena, che una carigna de mama

Allegria, si podes amare ancora…

Beautiful roaring scream, of joy and sorrow, so extreme

There is a love in me raging, Allegria

A joyous, magical feeling

Como la rabia de amar

Alegría, como un asalto de felicidad

S’ANGHELU MEU (MLC) 

Como una cantone ti cherzo cantare

Pro ch’in su sonnu ti pottat ninnare

Fizz’istimadu dachi ses arrivvidu

Pagas oras bonas o de gosu t’as bidu

Sa malasorte anima mia

Est dispensera solu de angustia

M’invoco a sa Madonna e a Deu

Sian amparu pro s’anghelu meu…

E che anghelu olende bae coro meu

Sighi su caminu chi t’at sinnadu Deu

Babbu e mamma ti sian costante recreu

In sas dies de anneu ca ses s’anghelu meu

Fizz’istimadu nessi un’ora ‘e fortuna

Pro t’ider joghende sena pena, manc’una

Cun sos amigos juvilende e currende

Dapoi a domo recuinde e contende

S’aia potidu  seberare

Sa vida mia cun sa tua jambare

Molzende in su metessi mamentu

Chi t’ido sanu, serenu e cuntentu

E che anghelu olende bae coro meu

Sighi su caminu chi t’at sinnadu Deu

Babbu  e mamma ti sian costante recreu

In sas dies de anneu ca ses s’anghelu meu

COMO CHI (MLC)

Como chi su sole indorat sa die

Como chi bi ses tue insoru a mie

Mi paret sa domo mia candida che su nie

Como chi torro a domo istraccu ma serenu

Intendo de sa bell’istajone s’alenu

Como chi! Como chi!

Como chi semus umpare manu in sa manu

Dogni di’e s’annu paret unu beranu

E biden sos ojos mios  su currer de chentu rios

Falende dae sos montes

De fronte

Fiores coloridos

Sa presenzia tua su coro mi consola

M’intendo cun sa natura una cosa sola

Como chi! Como chi!

BENI AJO’ GALANA (N.Loi) 

Beni ajò galana cun megus a mi faghes cumpagnia

Una dilliriana ti la cherzo cantare in poesia

E che una campana deves intendes custa oghe mia

Su melodicu sonu t’at a tremer in coro che unu tronu 

Sa oghe ‘e su ‘eranu che cantigu suave ‘e sos puzones

Unu tempus galanu t’at a battire sas bellas cantones

Si mi leas sa manu as a proare noas emoziones

Istuda su dolore sa oghe sanadora de s’amore 

Ballos, cantos e sonos chi faghen parte de sa terra mia

Donan momentos bonos e ti che ogan tota s’angustia

Cun sos diversos tonos ti creschen in su coro s’allegria

E in d’unu mamentu su malumore imbolas a su ‘entu 

Chin su cantare meu in totas sas piatas de Sardigna

Contra a su modu feu aboghinamus in manera digna

In oras de recreu bogamus che pandela bon’insigna

Cantamus pro sa paghe in cust’antiga terra ‘e su nuraghe

CHIMERAS (MLC)

Passione pro sa musica tenzo dae minore

Jog’ a jogu apo cominzadu a cantare

Est colada sa zente che-i sos rios

Amigos ch’an furadu sos sonnios mios

Amigos e collegas chi vendides ispantu

Cherrades una vida cun mulinos a bentu

Su cantu est che s’attonzu ’e sa rundine

Si che olat su cantante e resta s’omine

Pro unu punzu de  ’inari o unu prattu de gloria

De bos vender s’amigu no tenides timoria

Mantenidebos sa fama sa gloria e

Si cherides dae crasa bos jamo “Vostè” 

No nde cherzo de vana gloria no cherzo passare a s’istoria

Mi cuntenta solamente s’affettu sinzeru de paga zente…

No nde cherzo falsos risos indeorados paradisos

Faulas o falsa amistade ma sa santa veride 

Ses pienu de amigos si vestis corona

Ma de tempus pro te s’istar male no nd’ana

Amigos pagos e bonos su dizu antigu

Narat chi agattas tesoro si agattas un amigu

Ammentade chi Giuda pro sos trinta dinares

No b’at pensadu meda a si ender su Segnore

A s’omine chi s’istima la rezit gai

In su tempus una paga no li mancat mai 

No nde cherzo de vana gloria no cherzo passare a s’istoria

Passione pro sa musica mi faghet cantare

Meritu de sa zente si poto sighire

Zente ch’azzes dadu affettu a su coro meu

In bona sorte e fortuna bos lu torret Deu